Mis o ddathlu tyfu eich bwyd eich hun yw mis Plannu a Rhannu. Rhwng 19 Ebrill ac 19 Mai, rydym yn annog y genedl i balu, hau, tyfu a rhannu llysiau gyda’u cymunedau.

P’un a ydych yn tyfu llysiau mewn potiau iogwrt am y tro cyntaf neu’n hen law arni ac yn tyfu ar randir, mae Mis Plannu a Rhannu yn addas i chi. Mae’n hawdd cymryd rhan:

1. Plannwch eich hadau – mae gwobrau am y cynhwysydd mwyaf gwreiddiol! 
2. Helpwch yr hadau i dyfu – byddwn yn darparu popeth fydd ei angen arnoch i wneud hynny
3. Rhannwch eich eginblanhigion – a dywedwch wrthym sut y gwnaethoch hynny ar Facebook neu Twitter gan ddefnyddio #FFLGetTogethers

Ydych chi’n barod i ledaenu’r pleser a ddaw o gynnyrch cartref? Cymerwch ran yn ein hyfforddiant ar-lein am ddim i wella eich sgiliau, edrychwch ar ein hadnoddau tyfu, ac ymunwch â’n cymuned ddigidol i gyfnewid awgrymiadau a syniadau. Ac yn olaf, cofiwch danysgrifio i’n rhestr bostio i gael rhagor o wybodaeth a bod yn un o’r rhai cyntaf i glywed am achlysur lansio ein Pecyn Cymorth Plannu a Rhannu.