Mae The Furnival yn gweithio gyda theuluoedd nad Saesneg yw eu hiaith gyntaf. Byddant yn plannu ffrwythau a llysiau yn y ganolfan gymunedol sy’n cael defnydd da ac yng nghartrefi pobl gan ddod â phobl â gwahanol fathau o ffydd at ei gilydd er mwyn iddynt allu deall ei gilydd yn well.

Mae Skillshop yn darparu hyfforddiant arbenigol i oedolion ag anableddau dysgu mewn amgylchedd gofalgar, gan weithio i fagu eu hunan-barch a dileu ynysigrwydd cymdeithasol. Y bwriad yw creu gardd i dyfu bwyd gyda’r gymuned yn yr ysgol uwchradd leol.

Bydd Age UK Bwrdeistref Wigan yn recriwtio gwirfoddolwyr lleol o bob oedran er mwyn iddynt ymweld â phobl hŷn ynysig yn eu cymunedau gan naill ai goginio pryd o fwyd gyda hwy neu fynd â phryd o fwyd sydd newydd ei goginio atynt i’w rannu. Byddant hefyd yn cynorthwyo pobl hŷn i dyfu pethau ac yn edrych ar yr opsiynau i ymuno ag ysgolion a sefydliadau ieuenctid.

Mae Rhwydwaith Ieuenctid Manceinion Fwyaf yn gweithio er mwyn ceisio ymgysylltu pobl ifanc â’u cymunedau. Mae’n bwriadu datblygu gardd a rhandir cymunedol yn y ganolfan gymunedol leol gyda phobl ifanc a hŷn a fydd yn datblygu prosiect bwyd ar y cyd.

Bydd Pickering and Ferens Homes yn gweithio’n agos gyda’r rhai dros 60 oed sy’n byw mewn llety preswyl er mwyn iddynt allu byw’n annibynnol am gyfnod hir o’u hymddeoliad. Y nod yw creu cymuned sy’n pontio’r cenedlaethau o amgylch ei safleoedd a chael plant o’r ysgolion lleol i fod yn rhan o’r gweithgareddau tyfu.

Menter gymdeithasol yw An Tobar CIC sydd wedi’i lleoli yn ardal wledig De Armagh gan ddarparu ymyriadau iechyd a lles yn seiliedig ar natur i bobl o bob oedran a gallu. Drwy raglen Tyfu, Coginio a Bwyta a digwyddiadau Dewch at eich Gilydd cymunedol sy’n pontio’r cenedlaethau dros gyfnod o 20 wythnos y nod yw magu hyder a chodi hunan-barch a sgiliau cymdeithasol o fewn y gymuned.

Mae’r Grŵp Teulu a Chymunedol Ardmonagh sydd wedi’i leoli yn Turf Lodge yn cefnogi anghenion y gymuned leol. Byddant yn darparu nifer o weithgareddau tyfu, coginio a bwyta er mwyn dod â gwahanol genedlaethau at ei gilydd i rannu, dysgu a chael gwared â’r rhwystrau sy’n gwahaniaethu ar sail oedran gan uno’r gymuned ehangach drwy ddigwyddiadau Dewch at eich Gilydd.

Mae Cartrefi Nyrsio Spa yn darparu gofal preswyl a nyrsio i breswylwyr yn Belfast a Ballynahinch. Gyda mesurau cadw pellter cymdeithasol wedi’u sefydlu y nod yw creu cymuned sy’n pontio’r cenedlaethau mewn pedwar o’i safleoedd, gan weithio mewn partneriaeth â sefydliadau cymunedol, pobl ifanc a theuluoedd i ddatblygu gweithgareddau tyfu bwyd cymunedol, gardd a pherllan, coginio a rhannu bwyd.

Mae Wee Chicks yn hyrwyddo iechyd, lles a ffitrwydd y teulu drwy ddarparu gofal plant. Byddant yn datblygu’r prosiect Wee & Wise i gysylltu pobl hŷn a’r blynyddoedd cynnar drwy gyfres o weithgareddau wythnosol sy’n canolbwyntio ar fwyd da gan gynnwys coginio, celf, crefft a datblygu man tyfu ar y safle.

Canolfan ieuenctid yw Citadel ac mae ei dull o weithio sy’n seiliedig ar y gymuned yn darparu gweithgareddau dysgu, hamdden a chyfeillgarwch i bob math o bobl ifanc. Bydd y gwaith yn cynnwys parhau i ddatblygu’r Caffi New Spin sy’n pontio’r cenedlaethau a chynnal digwyddiadau cymunedol.

Man cymunedol yw’r Hyb Space & the Broomhouse sydd â chaffi, cyfle i ofalwyr ifanc wneud ffrindiau, gwasanaethau ieuenctid a fferm drefol fach. Byddant yn cynnal prydau bwyd bob yn ail fis ble gall y gymuned ddod at ei gilydd i goginio bwyd lleol yn rhad ac yn hawdd gan leihau gwastraff bwyd.

Menter dan arweiniad arlunwyr yw Rumpus Room sy’n ymroddedig i wneud gwaith celf cydweithredol gyda plant a phobl ifanc er mwyn herio’r ffordd rydym yn chwarae, dysgu, gwneud gwaith celf a bod yn weithgar yn ein cymunedau. Bydd arlunwyr Rumpus Room yn gweithio gyda Govanhill Greenspace a Küche (menter goginio gymdeithasol) i gynnal cyfres o weithdai celf a bwyd creadigol sy’n pontio’r cenedlaethau.

Hyb cymunedol yw Govanhill Baths sydd wedi’i leoli yng nghanol Govanhill ac sy’n darparu gweithdai a dosbarthiadau iechyd a lles am ddim i’r gymuned leol. Byddant yn cynnal picnic teuluol sy’n pontio’r cenedlaethau, gan uno teuluoedd a garddwyr lleol yng Ngardd Gymunedol Govanhill.

Bydd Gerddi Cymunedol Belville yn cynnal Prydau Bwyd i Godi Calon – sef pryd bwyd cymunedol misol sy’n pontio’r cenedlaethau. Bydd y cyfranogwyr yn defnyddio llysiau a pherlysiau o’r gerddi a drawsnewidiwyd o fod yn dir diffaith i fod yn fan gwerthfawr i’r gymuned gyda man garddio, coginio a dysgu.

Mae ACE yn dod o hyd i ystod o ffyrdd creadigol o feithrin asedau cymunedol, gan eu cysylltu mewn ffordd newydd a’u rhoi ar waith i fynd i’r afael â materion a heriau lleol. Bydd y gweithgareddau yn cynnwys cyflwyno prosiectau coginio a thyfu i bob oedran.

Mae Groundwork yn creu cymdeithas o gymunedau cynaliadwy sy’n hyfyw, iach a diogel, ac sy’n parchu’r amgylchedd lleol a byd-eang, a ble y gall unigolion a mentrau ffynnu. Byddant yn cefnogi 65 o ddigwyddiadau Dewch at eich Gilydd sy’n canolbwyntio ar dyfu, coginio a bwyta’n iach.

CGGSDd sy’n gyfrifol bellach am Neuadd y Farchnad yng nghymuned leol Rhuthun. Mae’n bwriadu cynnal cyfres o wleddoedd cymunedol a gŵyl fwyd i ddathlu’r economi fwyd leol, yn ogystal â chynnal neuadd fwyd dros dro, dathliadau coginio a gweithdai ar fwyta’n iach.

Mae Cardiff Salad Garden yn cyfuno’r broses o dyfu dail salad ffres a’i werthu a gweithio gyda grwpiau o unigolion dan anfantais yng Nghaerdydd a’r ardal o amgylch. Y bwriad yw creu gweithdy salad symudol hardd ac ysbrydoledig a fydd yn creu man croesawgar a phwrpasol i uno cymunedau.

Mae Outside Lives yn hyrwyddo lles personol a chysylltiadau sy’n pontio’r cenedlaethau drwy gyfrwng diddordebau, doniau a’r amgylchedd. Bydd ei grŵp Dig In yn datblygu gardd gymunedol, a bydd ei grŵp Foodies yn defnyddio bwyd i allu integreiddio mwy â phobl newydd mewn amgylchedd croesawgar.

Nod Ysgol Gynradd George Street yw creu lle diogel, ysgogol a hapus i fod yno. Byddant yn gwahodd, yn cynllunio ac yn rhannu pryd bwyd â phreswylwyr mewn cartrefi gofal lleol ac yn datblygu rhandir er mwyn rhannu profiadau â’r gymuned leol gan ganolbwyntio ar rannu eu profiadau â mam-gu a thad-cu.

Mae Maindee Unlimited am greu partneriaeth sy’n cynnwys Ysgol Gynradd Maindee, Tŷ Cymunedol Eton Road, Incredible Edible Maindee a Maindee Unlimited. Caiff grŵp coginio a bwyta rheolaidd ei sefydlu yn Llyfrgell Maindee ar gyfer pobl o bob oedran.

Mae gan Gartref Gofal Dane View ardd a pherllan hardd sydd wedi’i thirlunio. Mae’n gwahodd disgyblion yr ysgol gynradd leol i dreulio amser gyda’r preswylwyr. Defnyddir y ffrwythau o’r berllan fel bwyd ar gyfer y gweithgareddau hyn, a defnyddir y capel mawr ar y safle i ddod â phobl at ei gilydd i rannu bwyd.

Nod The Active Wellbeing Society yw dod â phobl at ei gilydd i gymryd rhan mewn gweithgareddau hwyliog ac am ddim a fydd yn eu cynorthwyo i deimlo synnwyr o berthyn ac o gymuned. Byddant yn cynnal gweithdai wythnosol ym mhob cegin gymunedol i ddod â phobl ifanc, oedolion hŷn a theuluoedd ifanc at ei gilydd.

Becws bara go iawn sy’n cael ei arwain gan y gymuned yw Bread in Common. Mae’n rhedeg caffi dros dro ac yn dosbarthu prydau bwyd cymunedol gan ddefnyddio bwyd gwastraff a nifer o brosiectau cymunedol, ysgolion a phobl ifanc ac yn cyfuno gweithdai sy’n sôn am fara a choginio gyda’r celfyddydau.

Mae Sycamore Dining yn dod â phobl at ei gilydd i gymdeithasu dros bryd o fwyd fforddiadwy. Ei gwsmeriaid yn bennaf yw cymunedau byw’n annibynnol ar gyfer yr henoed. Drwy gynnal digwyddiadau Dewch at eich Gilydd, byddant yn cynyddu amrywiaeth y bobl sy’n defnyddio’r gwasanaeth bwyta cymdeithasol drwy gymryd rhan mewn gwasanaeth presgripsiynu cymdeithasol.

Prosiect gan Eglwys Lloegr yw The Hothouse sydd o fudd i gymunedau gan ei fod yn cynnig cymorth o un i un. Bydd hefyd yn hyrwyddo gweithgareddau wythnosol sy’n pontio’r cenedlaethau er mwyn i bobl o bob oedran allu dysgu gan ei gilydd. Bydd y gweithgareddau coginio yn codi ymwybyddiaeth o sut y gall bwyd greu synnwyr o gymuned.