Sut y gallaf gynnwys cymunedau amrywiol yn fy nigwyddiad Dewch at Eich Gilydd?
Rydym wedi ymrwymo i ddatblygu ein gwaith ac i fod mor gynhwysol â phosibl, a hoffem eich cefnogi i wneud yr un peth.Â
Mae’n bwysig dod i adnabod eich cymuned a gofyn i’r aelodau beth fyddai’n eu helpu nhw i gymryd rhan mewn digwyddiad Dewch at Eich Gilydd.
![Woman sitting behind a plant pot smiling broadly](/media/gyhlgc2q/d-i-page-image.jpg?center=0.3475%2c0.46166666666666667&mode=crop&width=1920&height=1080&rnd=132451596346570000&quality=55)
Pwy sydd yn eich Cymuned chi?
Mae sawl ffordd o wneud hyn, er enghraifft drwy gynnal arolygon neu drwy ofyn am adborth drwy’r cyfryngau cymdeithasol, ond y ffordd hawsaf yn aml yw sgwrsio â phobl yn anffurfiol am eich syniad Dewch at Eich Gilydd i weld a yw’n gweithio iddyn nhw a’r bobl maen nhw’n eu hadnabod. Mae’n bosibl hefyd y byddwch am gysylltu â grwpiau neu sefydliadau eraill sydd wedi cynnal digwyddiad Dewch at Eich Gilydd neu sydd wedi gweithio gyda’ch cymuned chi o’r blaen i siarad am beth sydd wedi gweithio’n dda iddyn nhw.
Pan fyddwch yn adnabod eich cymuned, bydd yn haws i chi gynllunio beth i’w wneud i helpu pobl i gymryd rhan.
![Woman wearing a headscarf with a child standing behind plants and smiling](/media/sdiktsf4/d-i-header.jpg?center=0.11517996870109547%2c0.52333333333333332&mode=crop&width=1920&height=1080&rnd=132451596749830000&quality=55)
Ystyriwch hygyrchedd
- gyfieithu posteri i annog pobl o gefndir Pwylaidd i gymryd rhan
- hygyrchedd eich lleoliad i gefnogi pobl ag anableddau corfforol
- gwneud yn siŵr bod pobl yn gallu fforddio cymryd rhan os ydych yn gofyn i bobl gyfrannu mewn rhyw ffordd
- gwneud eich gweithgaredd mor garedig a chynhwysol â phosibl i bobl â dementia. Mae’r rhestr wirio dementia hon yn adnodd gwych (https://www.alzheimers.org.uk/get-involved/dementia-friendly-communities/organisations/dementia-friendly-environment-checklist)
![An older woman holds a measuring jug while an early years child whisks eggs](/media/bbbkgfbo/stills.png?center=0.19487078145928025%2c0.53166666666666662&mode=crop&width=1920&height=1080&rnd=132451598472000000&quality=55)
Cenedlaethau amrywiol
Ydych chi’n bwriadu dod â chenedlaethau gwahanol ynghyd? Darllenwch ein Canllaw ar Ymarfer sy’n Pontio’r Cenedlaethau. Mae tudalennau 6 a 7 yn ymwneud â’r 8 egwyddor o Ymarfer sy’n Pontio’r Cenedlaethau a manteision dod â chenedlaethau ynghyd, a allai eich helpu i gefnogi grwpiau amrywiol i gysylltu â’i gilydd. Â
“Creodd y sŵn chwerthin a’r ymgysylltiad rhwng y cenedlaethau awyrgylch gwahanol yn y cartref ac mae wedi dod yn atgof parhaol i bawb a gymrodd ran.”
Jocelyn, Rheolwr Cartref Gofal, Cartref Nyrsio Spa
Defnyddio Hawdd Darllen
Wrth feddwl sut y byddwch yn cyfathrebu eich digwyddiad Dewch at Eich Gilydd neu wrth baratoi unrhyw adnoddau ysgrifenedig, mae’n bwysig meddwl am eu gwneud mor hygyrch â phosibl. Un ffordd a allai eich helpu i gefnogi nifer o grwpiau gwahanol yw defnyddio fformat “Hawdd ei Ddeall”. Gall hefyd eich helpu i wneud dogfennau’n fwy hygyrch i bobl y mae Saesneg yn ail iaith iddynt, plant ifanc, y rhai â dementia a phobl ag anableddau dysgu. Gallwch ddysgu mwy am ddeunyddiau Hawdd eu Deall yma https://www.gov.uk/government/publications/inclusive-communication/accessible-communication-formats
![A woman watches on while two children chop cucumber and juice lemons](/media/cdghylya/img_0097.jpg?center=0.22%2c0.54166666666666663&mode=crop&width=1920&height=1080&rnd=132451598840330000&quality=55)